Dance The Rock and the wee pickle tow 5641

There was an auld wife had a wee pickle tow,  
Adn she wad gae try the spinning o't,  
But looten her down, her rock took a low,  
And that was the ill beginning o't.  
She spat on't, she flet on't and tramp't on its pate  
But a' she could do it wad hae its ain gate,  
At last she sat down on't and bitterly grat,  
For e'er having try'd the spinning o't.

I hae been a wife these three score of years,  
And never did try the spinning o't,  
But how I was sarked foul fa' them that speirs  
To mind me o' the beginning o't.  
The women are now a days turned sae bra'  
That ilk ane maun hae a sark, some maun hae twa  
But better the warld was when sint ane ava  
To hinder the first beginning o't.

Foul f' them that e'er advis'd me to spin  
It minds me o' the beginning o't.  
I well might have ended as I begun  
And never have try'd the spinning o't.  
But she's a wise wife wha kens her ain weird  
I though anes a day it wad never be speir'd,  
How let you the low tack the rock by the beard  
When you gaed to try the spinning o't.

The spinning, the spinning, it gars my heart sab  
To think on the ill beginning o't.  
I took't in my head to make me a wab  
And this was the first beginning o't.  
But had I nine Daughters as I hae but three  
The safest and soundest advice I wad gie  
That they wad frae spinning still keep their hands free  
For fear of an ill beginning o't.

But if they in spite of my counsel wad run  
The dreary sad task o' the spinning o't,  
Let them find a loun seat light up by the sun  
Syne venture on the beginning o't:  
For wha's done as I've done alake and avow  
To busk up a rock at the cheek of a low,  
They'll say that I had little wit in my pow,  
The meikle Deil tak the spinning o't.

The “rock” is a distaff, the stick that held the wool or flax in the ancient method of hand spinning.
When spinning thus the thread was twisted and lengthened by a heavy, hanging spindle
and the thread was wound onto the rock which was carried in one arm.
“Tow” is the prepared flax or hemp.

This song was written by Alexander Ross
and appeared first in David Herd's *Ancient and Modern Scottish Songs* of 1776.
It was reprinted in James Johnson's *The Scots Musical Museum*, Volume 5, of 1796.
Ross was born in Kincardine O'Neil in Aberdeenshire on 13 April, 1699.
He received his degree from Marischal College in 1718
and for fifty-six years he was schoolmaster at Lochlee in old Forfarshire.
Among Ross' other works were “Helenore or The Fortunate Shepherdess”,
“The Bridal o't”, “Woo'd and Married and A'”, and “What Ails the Lasses at Me”.
He died in May, 1784.

The tune to which the verses were set appeared in 1678 in John Playford's *Musick's Hand-Maid*
and was called “A Scottish March”.
There was an old set of verses and it was upon this that Ross based his song,
as did Allan Ramsay in his “I Hae a Green Purse wi' a Wee Pickle Gowd”
published in the *Tea Table Miscellany* of 1724.

It should be noted that there are many variations
in the reprinting of “The Rock and the Wee Pickle Tow” in various collections.
This is because Ross' original song ran to nineteen stanzas of eight lines each.
The version used here is from *The Scots Musical Museum*.